Famosis praeconsulibus et consulibus civitatis nostrae Gedanensis, fidelibus nostris dilectis

Sigismundus Dei gratia rex Poloniae, magnus dux Lithuaniae, Russiae Prussiaeque etc. dominus et heres

Famosi fideles nostri dilecti.

Commisimus huic notario nostro, egregio Iohanni Flachsbinder, fideli dilecto, nonnihil vobis nomine nostro dicere. Mandamus igitur vobis, ut sibi hac vice in his, quae nostro nomine vobis dicet, credatis, sic facturi pro gratia nostra.

Datae Cracoviae, feria sexta ante festum Assumptionis Gloriosissimae Virginis Mariae proxima, anno Domini millesimo quingentesimo duodecimo, regni vero nostri anno sexto.

Commissio propria regiae maiestatis