BCz, 1606, p. 240

Dem Erwirdigenn in Goth, unnserm besonndern liebenn Freundt, hernn Johannsen bischoffenn zu Ermelandt /

BCz, 1606, p. 239

Unnser freuntschafft zuvor.

Erwirdiger inn Goth, besonnder lieber Freundt.

Innligennde haben E(uer) L(ieb) zuersehenn, wes sich unnser unnderthan unnd lieber getreuer Luckas Barbirer gen unns thut beclagen. / Vonn dem also, / so ist an E(uer) L(ieb) unnser freuntlich bith, dieselben wollen im mit gnaden forderlichen erscheinen / unnd bevelen, / das er solchs alles zu dem er von wegen seins eheweibs unnd irer schwester gerechtigkeit zuhaben vermeint, / an ferner auffhaltenn bekomme, / domit er sich nichts zubeschweren, / sonnder in gestalt wie E(uer) L(ieb) den iren vonn unns wollen gethan nhemen, / gnediglichen zwentpfinden. / Das seindt wir umb dieselben in gleichen unnd merern alwegk freuntlich(en) zu beschulden geneigt. /

Dat(um) Mimel, den 9 Octobris anno 1538.

Vonn Gots genaden Albrecht marggraff zu Brandenburgk, in Preussen, zu Stettin, Pomern, der Caschuben unnd Wenden hertzog, burggraff zu Nurmbergk unnd furst zu Rugenn