List #3669
Łukasz GÓRKA do Ioannes DANTISCUSPoznań (Posen), 1538-06-11
| odebrano [1538]-06-15 Rękopiśmienne podstawy źródłowe:
| ||||
Tekst + aparat krytyczny + komentarz Zwykły tekst Tekst + komentarz Tekst + aparat krytyczny
Reverendissimo in Christo Patri et Domino, domino Ioanni Dei gratia episcopo Varmiensi, domino ... colendissimo
Reverendissime in Christo Pater et Domine, domine colendissime.
Deditissima commendatione sui praemissa optatisque ex animo Reverendissimae Dominationi Vestrae valetudinis et ceterarum rerum omni(!) felicibus successibus.
Venturus est istuc ad Reverendissimam Dominationem Vestram nobilis Ioannes Osowski, adolescens ut ingenuis de meque optime meritis parentibus prognatus, ita ipse quoque probus ac mihi libenter inserviens. Illum ut Reverendissima Paternitas Vestra una cum magnifico domino palatino Posnaniensi collega suo alicui baroni Bohemiae, cui potissimum Reverendissimae Dominationi Vestrae videatur, commendet eiusque servitio addicat, etiam atque etiam rogo. Factura Reverendissima Dominatio Vestra mihi rem longe gratissimam.
Interim Reverendissimam Dominationem <Vestram> feliciter valere opto.
Datum Posnaniae, XI Iunii 1538.
Lucas comes a Gorka, electus Wladislaviensis