Venerebiles Domini.

Ioannem Ursum ob delicta sua, quae commisit, ad querelam nomine Fraternitatum Vestrarum et ex officio nostro, quod offendit, labem per nos castigatum et nunc tandem sententia nostra definitiva, quam his nostris litteris adiunximus, absolutum remittimus Fraternitatibus Vestris.

Cumque coram nobis sancte receperit et promiserit se posthac mores et vitam suam ita moderaturum et instituturum, quo nemini molestus sit, nec ullas contra se amplius querelas excitet, conservavimus eum in parochia sua Tolcksdorf et fecimus cum eo in multis gratiam. Quod Fraternitatibus Vestris significandum duximus, ut et illis, quomodo tunc a nobis discesserit, constaret, ne quicquam aliud, quod facere solet, fingere posset , et Fraternitates Vestrae eum pro parocho in Tolcksdorf agnoscerent et commendatum haberent.

Quas bene valere optamus.

Datae XXI Maii MDXLVII.